తెలంగాణ రాష్ట్ర ప్రభుత్వం పాలమూరు-రంగారెడ్డి ఎత్తిపోతల పథకం పేరును కేంద్ర మాజీ మంత్రి సుదిని జైపాల్ రెడ్డి గారి పేరుగా మార్చుతూ ఉత్తర్వులు జారీ చేసింది. మంత్రివర్గ నిర్ణయానికి అనుగుణంగా, గురువారం నీటిపారుదల శాఖ ఈ ఉత్తర్వులు విడుదల చేసింది.
అదనంగా, సింగూరు ప్రాజెక్టుకు మంత్రి దామోదర రాజనర్సింహా తండ్రి, సీనియర్ కాంగ్రెస్ నాయకుడు రాజనర్సింహా పేరు పెట్టాలని కేబినెట్‌లో నిర్ణయం తీసుకుంది. పాలమూరు-రంగారెడ్డి ప్రాజెక్టు రెండో ప్యాకేజీ సవరించిన అంచనా వ్యయం రూ.1,784 కోట్లకు ఆమోదం లభించింది. అలాగే, ఏదల రిజర్వాయర్ నుంచి డిండి లిఫ్ట్ స్కీంకు లింక్ చేసే పనులకు రూ.1,800 కోట్లతో ఆమోదముద్ర వేశారు.
