యాదాద్రి భువనగిరి జిల్లా డిసెంబర్ 17 సమర శంఖమ్ :-
బెయిల్ కు అర్హత ఉండి కూడా , విడిపించే వారు లేక లక్షలాది మంది జైళ్ళలో ఏళ్ళ తరబడి ఎదురు చూస్తున్నారు. చట్టమా..? నీకు శతకోటి దండాలు. ధనం , పరపతి , హోదా , కులం , మతం , ప్రాంతం , ఉన్నత స్థానం , అధికారం..ఇవన్నీ చట్టానికి దగ్గర చుట్టాలు. ఇవేవీ లేనివాళ్ళు మట్టిలో కొట్టుకుపోవలసిందే. దేశంలోని కోర్టుల్లో 4.5 కోట్ల కేసులు పెండింగులో ఉన్నాయి. అయినా స‌రే , అల్లు అర్జున్ విష‌యంలో కోర్టులు వేగవంతంగా/య‌మ స్పీడుగా పని చేశాయి. ఒక కోర్టు 15 రోజుల రిమాండ్ వేస్తే , ఆ వెంట‌నే మ‌రో కోర్టు బెయిల్ ఇచ్చేసింది. కోర్టే కాదు , పోలీసు వ్య‌వ‌స్థ కూడా వేగవంతంగా/జెట్ స్పీడులో పని చేసింది. అల్లు అర్జున్ కోసం వంద‌లాది పోలీసులు , వంద‌లాది ప్ర‌భుత్వ సిబ్బంది , రాష్ట్రంలోనే రెండు పెద్ద కోర్టులు ఈరోజు మొత్తం పని చేశాయి. అల్లు అర్జున్ కి ఇచ్చిన ఈ సమయంలో స‌గం సమయం ఇచ్చినా దేశంలోని కోర్టుల్లో అన్ని కోట్ల కేసులు పెండింగులో ఉండేవి కావు. అందుకే..ఒక మహిళ మరణించింది ఆమె కుమారుడు చావుబతుకుల్లో ఉన్నాడు. అందుకే డబ్బు ఉన్నోడికి ఒక న్యాయం డబ్బులేనోడికి ఒక న్యాయమా.. డబ్బుకు లోకం దాసోహం.
