PDSU ఆధ్వర్యంలో జరుగు విద్యారంగ సమస్యల పరిష్కారంకై “ఛలో అసెంబ్లీ” కార్యక్రమంలో భాగంగా PDSU తెలంగాణ రాష్ట్ర అధ్యక్షుడు కామ్రేడ్ బొల్గూరి కిరణ్ కుమార్ ను అక్రమంగా అరెస్ట్ చేసిన పోలీసులు….
ఈ సందర్బంగా PDSU తెలంగాణ రాష్ట్ర అధ్యక్షుడు కామ్రేడ్ బొల్గూరి కిరణ్ కుమార్ మాట్లాడుతూ విద్యార్థి ఉద్యమకారులను నిరంతర అక్రమ అరెస్ట్ ల ద్వారా ఉద్యమాలను, ఉద్యమకారులను అణచివేయాలనుకోవడం సరైన విధానం కాదు అని అన్నారు. ప్రభుత్వం వెంటనే ఈ తరహా దోరనిని,పద్దతి మార్చుకోవాలనీ, ప్రజా ఉద్యమాలకు, ప్రజా పోరాటాలకు, వాక్ స్వాతంత్ర్యపు హక్కులకు స్వేచ్ఛయుత వాతావరణం కల్పించాలని, ప్రజల, విద్యార్థుల హక్కులకు భంగం కల్పించరాదనీ, విద్యార్థులను, ప్రజలను ముందస్తు అరెస్ట్ ల పేరుతో భయబ్రాంతులకు గురించేయడం, భయానక వాతావరణం సృష్టించడం పాలకుల నిరంకుశ విధానానికి నిదర్శనం అని అన్నారు. ఈ తరహా విధానం ప్రజా ప్రభుత్వం అని చెప్పుకునే కాంగ్రెస్ ప్రభుత్వానికి మంచిది కాదని అన్నారు. వెంటనే విద్యారంగ సమస్యల పరిష్కారానికి ముఖ్యమంత్రి రేవంత్ రెడ్డి సర్కార్ చొరవ చూపాలని డిమాండ్ చేశారు.
